அரைகுறை வெளிச்சத்தில்
கண்ணாடிப் பெட்டிக்குள் அடுக்கி இருந்ததில்
ஏதோ ஒன்றைக் காட்டி
மழழையில் சிணுங்கிய சிறுவனுக்கு
விலை ஏதும் கேட்காமல்
அந்த அப்பா வாங்கிக்குடுத்த
பொம்மைப்படம் போட்டக் கடிகாரம்,
பீப்பி ஊதிக்கொண்டு
மதிய நேரத்தில்
எங்கள் வீடு கடக்கும் மிட்டாய்க்காரர்,
மூங்கில் கழியின் உச்சியில்
அழுக்குப் பாவாடை அணிந்த
கண்கள் சிமிட்டும் பொம்மைக்குக் கீழே
வெள்ளை-சிவப்பு வர்ணத்தில்
பிசுபிசுக்கும் மிட்டாயில் செய்து
என் வலக்கையில் ஒட்டிவிட்டுப்போன
அந்த கடிகாரத்தைப் போல்
வருடங்கள் பல கழித்தும்
இனித்துக் கொண்டிருக்குமா?
தெரியவில்லை!
-Boo
No comments:
Post a Comment